احكي يا شهرزاد5((((((((((اجمل بنات الدنيا))))))))))))))))

شهريار/النهارده تحكي الحكايه كلها عشان انا خلاص عايز اعرف القبر ده بتاع مين وايه الكلام الغريب ده ولسه لحد دلوقتي انا ماعرفتش مين ساره احكي وله انده مسرور

شهرزاد /لالالالا خلاص يا مولاي احكي

بلاغني ايها الملك السعيد زو الرئي الرشيد احمداستغرب من الكلام اللي مكتوب علي القبر وطلب من ساره انها تحكي الحكايه

ساره/ قبل ما احكي اوريك صوره وطلعت صوره لراجل ضخم جدا وجنبه ست زي القمر سبحان الله في جملها وشافها احمد وسألته انت تعرف الراجل اللي في الصوره ده

بص احمد وقال انا فاكر اني شوفت الراجل ده قبل كده بس مش فاكر فين ومين القمر اللي جنبه دي الله علي جملها

ساره /يعني ماشوفتش صورته في البيت عندكم

احمد /اه افتكرت شوفت صوره ليه زمان حتي سألت امي عليه مين ده قالت ده كبير العائله وطلبت منها انها تحكيلي عنه لكن امي قالت لا بلاش واستغربت من كلامها
ساره/عايز تعرف هو مين ومين الست اللي معه
احمد / طبعا عايز اعرف كل شيء احكي يا ساره قولي

ساره/ مش انا اللي هقولك روح لعمتك (نعيمه) هي اللي هتقولك مين دول وايه الحكايه

ضحك احمد وقال حتي كمان عرفتي اسم عمتي نفسي اعرف انتي بتعرفي كل ده ازاي ممكن اعرف ساره

لكن مافيش ساره اختفت تاني زعل احمد اووووي ونده عليها باعلي صوته ساره اوعي تسبيني تاني انا بحبك والله بحبك لكن المره دي ساره مارجعتش

احمد بص في الصوره وجري علي عمته عشان يعرف الحكايه
راح بيتها ودخل سلم علي عمته وهي فرحانه جدا انه افتكرها

احمد / عمتي كنت عايز اسألك عن شيء ممكن

عمته نعيمه /انت تأمر قول عايز ايه

طلع الصوره وورهلها وقال مين دول يا عمتي اللي في الصوره

بصت عمته في الصوره لكن بعد ماكانت بتضحك وفرحانه زعلت جدا وبصت للصوره وسكتت ومش اتكلمت ولا كلمه

احمد تعرفي اللي في الصوره دول مين

عمته / لالالالا ماعرفش

احمد /ازاي اللي ادتني الصوره قالت اني اسألك وقالت ان انتي اللي هتقولي كل حاجه حتي عرفت اسمك منين انا ماعرفش وبعدين انا شوفت صوره للراجل ده عندنا وسألت امي عليه بس سكتت وقالت بلاش تعرف

عمته /انت جبت الصوره دي منين ومين اللي ادهالك اتكلم ومين اللي وفجأه وقعت عمته علي الارض من كتر العصبيه اللي كانت فيها احمد اهدي يا عمتي في ايه مالك ومين اللي في الصوره دول

عمته بكت وبصت في الصوره تاني وقالت انا هقولك علي كل حاجه اللي في الصوره ده كبير العائله بتعنا اسمه (هشام) راجل ظالم مغرور جدا وكان كبير البلد كان بيتحكم في كل شيء

واللي جنبه دي مراته (نور العيون) كانت اجمل بنت في البلد كلها وماحدش كان يعرف عنها اي شيء ولا يعرف انها موجوده اصلا اهلها كانو مخبين وجوده من كتر جملها خافو عليها ومش كانت بتخرج من البيت

احمد /هي بصراحه زي القمر كانت حلوه اوووي كدا يا عمتي

عمته /واحلي من كدا كمان شعرها طويل جدا وناعم زي الحرير وعيونها خضر وكانت بيضه اوووووي يعني تقدر تقول( حوريه من الجنه) سبحان الله في جملها

(نور العيون) ابوها راجل فقير جدا وما كنش عنده غيرها عشان كده كان بيخاف عليها جدا وخبها من عيون الناس

في يوم من الايام تعب ابو نور العيون جدا وماقدرش يخرج من البيت ومش عنده ابن يشتغل ويصرف علي البيت

خرجت مراته هي اللي تشتغل وكل ما كانت تخرج توصي نورالعيون انها مش تخرج من البيت ولا تفتح لحد وهي كانت بسم الله كانت مطيعه جدا لاهلها

نور كانت عندها (14) سنه في الوقت ده

اهل البلد سألو عن الراجل الطيب مش بنشوفه زي كل يوم ليه هو فين قال واحد منهم انا شوفت مراته هي اللي بتشتغل

امال هو فين ده مش بيخرج مراته خالص يبقي هو تعبان ولازم نروح نشوفه اتفقو علي كدا قال واحد منهم انا اروح الاول واسأل عليه ولو طلع مريض نروح كلنا نشوفه

وفعلا راح الراجل البيت وخبط علي الباب لكن ماحدش فتح خبط كتير بس مافيش حد قال خلاص امشي واجي مره تانيه لكن فجأه الباب اتفتح بص الراجل ومش مصدق اللي شافه وسكت عن الكلام خالص من كتر جمال نور اللي مافيش زيه

سألها انتي مين انتي انسيه وله جنيه

نور/انا انسيه بنت الراجل الطيب

استغرب بس احنا عرفين انه مش عنده لا ولاد ولا بنات وفضل يبصلها وقال سبحان الله انتي بنت الراجل ده ومشي ونسي هو كان جاي ليه شويه وكانت البلد كلها عرفت الخبر رجعت امها جري علي البيت وندهت عليها انتي خرجت يا نور قالت لا قالت امال الناس عرفت ازاي حكت ليها الحكايه وفي نفس الوقت الخبر وصل فين

احمد / فين يا عمتي كملي

عمته /وصل (لهشام )اكبر واحد في البلد كبير البلد يعني وراح جري علي بيت الراجل الطيب ده بس مش عشان يشوفه لا طبعا عشان يتأكد من اللي سمعه

خبط علي الباب وفتحت الباب مرات الراجل الطيب وهي مستغربه انه يجي عندهم قالت اتفضل
دخل علي الراجل وسلم عليه وهو قاعد بيبص شمال ويمين ولما ماشفش نور العيون راح طلب منهم انه يوريله بنته

سكت الراجل هو ومراته واستغربو لطلبه

وندهت امها عليها وجت نور

هشام/سبحان الله في جمالك ووقف وقعد يبصلها وقال لابوها انت عندك القمر ده ومخبيه عنا انت تبقي ابو القمر ده انتي بنته انتي المفروض تكوني بنت امير بنت ملك مش بنت الراجل الفقير ده
احمد / ليه كدا ليه قال لراجل كدا ده حتي حرام

عمته / هو كان اسلوبه كدا ماكنش بيعمل حاجه كويسه واليوم اللي دخل بيت نور كان اخر يوم ليها تعرف يعني كلمه فرح والضحكه غابت عنها والدنيا ضلمت من حوليها عرفت يعني ايه معني الحزن

شهرزاد سكتت عن الكلام لانها بكت من اللي هيحصل مع (نور العيون ) ومش قدره تكمل

بكره تكمل معاكم الحكايه

سلام
نونا

ليه كدا بس يا شهرزاد كل مرة تشوقينى انى اعرف باقى القصة وتيجى فى الاخر وتسكتى لاى سبب ما
بجد بجد تسلمى يا نونا وكمان تسلمى على تشوقيك لينا الجميل الممتع ده مع انى نفسى تحكيها كلها مرة واحدة علشان خلاص هاتجنن واعرف الباقى
بس بجد تسلمى على كل حاجة حلوة من القصة للاسلوب للتشويق كل حاجة ممتعة بجد

فعلا كل حاجه حلوة من القصة انتى بجد انسانة جميلة الاحساس وبجد اسلوب فى عرض القصة روعة بجد تسلمى نونا وبجد بسرعة بقى علشان نعرف ايه الحكاية

تسلم ايدك يا نونا القصه بجد تحفه وكل يوم بتزيد جمال وتشويق
بس انا نفسي شهريار يسهر شويه عايزين نعرف ايه اللي هيحصل مش معقول كل يوم ينام بدري